Acto de homenaxe a Ramón hoxe, 18 de outubro, ás 17:00 en Pereiró (sala 10)

Este 17 de outubro de 2014, sobre as 4 da madrugada finou o noso compañeiro Ramón. Loitador e fiel aos seus principitos, home bo e xeneroso, sempre ao noso carón.
Foise sen ver caer a cruz do Castro, pero quedan os alicerces abaneando, e a súa forza axudaranos a derrubala.

Ata sempre compañeiro.

"RESISTIR É VENCER!"

 Viva a República!

Concentración na Cruz do Castro mércores 15 outubro

A Asociación Viguesa Pola Memoria Histórica do 36, apoias e participa na iniciativa dos colectivos politicos, sindicais e sociais de Vigo, na concentración no lugar de inxuria a democracia e ofensiva para as vitimas dos asasinatos, dos torturados e torturadas, dos presos e presas en cárceres e campos de concentración, dos e das exiliados/as, dos que sufriron incautacións -ainda non devoltas-  todos e todas desprezados polo sistema da ditadura e da chamada democracia; estado que ainda non condenou o levantamento fascista nin recoñeceu ás vitimas, pero segue homenaxeando aos verdugos nese infamante simbolo en forma de cruz.

Non podemos consentir que o PSOE sexa un coletivo servil apoiando ao PP no revisionismo franquista.

¡¡¡NON A CRUZ DO CASTRO¡¡¡

¡¡¡ABAIXO A SIMBOLOXÍA FRANQUISTA EN VIGO¡¡¡

MONTECUBEIRO-desagravio vítimas franquismo (fotos do acto)

fotos de cataventos s.c.
https://skydrive.live.com/?cid=4a991e251c2368d1&id=4A991E251C2368D1!1644&Bsrc=Share&Bpub=SDX.SkyDrive&sc=Photos&authkey=!AmnBBRVjd816VKc

Intervencións en Montecubeiro

Claudio Rodriguez Fer.
http://www.sermosgaliza.com/opinion/claudio-rodriguez-fer/paz-sempre/20131015052411020018.html

Viaxe dende Vigo ao Acto de homenaxe ás vítimas do franquismo en Montecubeiro (Lugo).

O próximo 13 de outubro, a partir das 12:30 h. da mañan, haberá en Montecubeiro (parroquia do concello de Castroverde, en Lugo), un acto de homenaxe e desagravio ás vítimas do franquismo, onde está un monolito que lembra o asasinato de 15 persoas nesa parroquia no ano 36 por parte dos franquistas.

A Asociación Viguesa pola Memoria Históirca do 36, pon un autobús para as persoas que queiran achegarse connosco a Montecubeiro dende Vigo. O prezo da viaxe é de 12 € € e o xantar de 15 €. A saída  será ás 8.20 horas da Avda de Madrid (frente sanatorio Concheiro)

 

As persoas interesadas que o fagan ao tfn. 986 241 497  ( Telmo )

Dito homenaxe celébrase como unha especie de resposta sensata e civilizada ás declaracións de certo alcalde dun concello limítrofe a Castroverde -Baralla-, que o único que conseguiron é retratar como un franquista "de-toda-a-vida" a ese persoeiro. A Iniciativa Galega pola Memoria -coordenadora galega de grupos memorialistas-, entidade organizadora dese acto, quere dar unha resposta forte e chea de valores cívicos profundamente ancorados en principios liberadores a tais manifestacións do innomeable alcalde. Manifestacións que conforman unha verdadeira apoloxía do franquismo, unha defensa duns principios própios do franquismo máis reaccionario. Feito este, que só é posible pola non penalización da exaltación do franquismo, inxusta medida que ven funcionando desde a promulgación da Lei de Amnistía do ano 1977, que fixo posible que os criminais e as vítimas foran postos nun mesmo nível. A Iniciativa Galega pola Memoria posiciónase desde sempre en contra da dita apoloxía do franquismo, e tamén a favor da derrogación da Lei de Amnistía do 1977, que só conduce e conducíu á impunidade dos crimes franquistas. Por todo isto, convocamos este acto de homenaxe ás vítimas do franquismo do día 13 de outubro, que terá a seguinte programación:

- Intervención do alcalde de Castroverde, máxima autoridade local, Sr. Xosé María Arias.

- Intervención do representante do Delegado da Deputación de Lugo de Cultura e Turismo, Sr. Mario Outeiro.

- Intervención dun membro da Iniciativa Galega pola Memoria, en concreto, o profesor e poeta lucense, Sr. Claudio Rodríguez Fer.

- Intervención dun persoeiro coa suficiente conexión co mundo da cultura, da educación e da non violencia, como é o profesor Federico Mayor Zaragoza, ex-director da UNESCO de 1987 a 1999, e presidente da Fundación Cultura de Paz.

- Actuación da artista galega Mercedes Peón.

Para rematar o acto, a xente que así o decidira podemos ir xantar a Castroverde, ao restaurante A Pereira-2, onde temos contratado alí un menú para celebrar conxuntamente tal evento

Visita a España do Grupo de Traballo das Nacións Unidas sobre as Desaparicións Forzadas

Boas tardes,

Logo de saudarlles, quixésemos agradecerlles en nome do Grupo de Traballo das Nacións Unidas sobre as Desaparicións Forzadas ou Involuntarias polo interese na súa visita oficial a España do 23 ao 30 de setembro de 2013.

A delegación do Grupo de Traballo estará integrada polos expertos Ariel Dulitzky e Jasminka Dzumhur. Dous funcionarios do Alto Comisionado das Nacións Unidas para os Dereitos Humanos (ACNUDH) acompañarán aos expertos durante a visita, o Sr. Ugo Cedrangolo (Secretario do Grupo de Traballo) e a Srta. Yiyao Zhang.

A visita incluirá reunións con autoridades, sociedade civil e familiares, así como avogados, académicos e outros actores pertinentes. O Grupo tamén visitase memoriales e/ou lugares de significado histórico polo seu mandato. Durante a visita, o Grupo viaxará a Madrid (23-25 de setembro), Barcelona (25 e 26 de setembro), Sevilla (27 e 28 de setembro) e Vitoria (27 e 28 de setembro).

Nas cidades mencionadas anteriormente o Grupo manterá unha reunión colectiva con sociedade civil e familiares de desaparecidos:

En Madrid: martes, 24 de setembro, ás 17:00 horas, no hotel NH Paseo do Prado.

En Barcelona: xoves, 26 de setembro, ás 17:00 horas, no hotel NH Rallye,

En Sevilla: venres, 27 de setembro, ás 17:00 horas, no hotel NH Praza de Armas

En Vitoria: venres, 27 de setembro, ás 17:00 horas, no hotel NH Canciller Ayala

O Grupo de Traballo tamén ten previstas reunións separadas con avogados que han litigado ou litigan casos de desaparicións forzadas ante os tribunais:

En Madrid: luns, 23 de setembro, ás 19:00 horas, no hotel NH Paseo do Prado.

En Barcelona: xoves, 26 de setembro, ás 19:30 horas, no hotel NH Rallye,

En Sevilla: venres, 27 de setembro, ás 19:30 horas, no hotel NH Praza de Armas

En Vitoria: venres, 27 de setembro, ás 19:30 horas, no hotel NH Canciller Ayala

Non dubiden en facer a invitación extensible a outras organizacións e/ou particulares que consideren relevantes e que traballen sobre o tema das desaparicións forzadas ou involuntarias de persoas.

Así mesmo, invitámoslles a enviarnos calquera información relevante que queiran poñer por adiantado en coñecemento do Grupo de Traballo. Calquera información por escrito que queiran presentar conjuntamente á súa presentación oral é tamén bienvenida.

A fin de que os expertos do Grupo de Traballo teñan a oportunidade de facer preguntas e comentarios rogámoslles que, na medida do posible, as presentacións durante as reunións fáganse de xeito coordinada.

Para rematar, para referencia, incluímos unha nota informativa sobre o mandato do Grupo de Traballo que inclúe unha nota biográfica dos expertos.

Finalmente, gustaríanos sinalar que o Grupo de Traballo manterá unha conferencia de prensa o último día da súa visita, o 30 de setembro, onde presentará as súas conclusións preliminares.

Non dubide en contactarnos por calquera pregunta ou aclaración a través dos seguintes correos (wgeid@ohchr.org; ucedrangolo@ohchr.org; merazo@ohchr.org).

Saúdos cordiais,

Secretaría do Grupo de Traballo

Videos do acto homenaxe en San Simón

O pasado 21 de xullo tivo lugar o acto homenaxe anual na illa de San Simón, estes son os videos que gravou o compañeiro Tomás Montero da Asociación Memoria y Justicia de Madrid

Orden de intervención:

Himno de Riego 

http://www.youtube.com/watch?v=PDaX8DGiyjE

Presentacion de Telmo Comesaña 

http://www.youtube.com/watch?v=ykr6kpw9Bhk

Intervención de Mª José Barreiro 

http://www.youtube.com/watch?v=V8MDfhSvcEs

Intervención de David Fernández

http://www.youtube.com/watch?v=7Kw6164ezQc

Intervención de Enriqueta Otero 

http://www.youtube.com/watch?v=W6J5NzhmNdM

Intervención de Jorge Gomez
http://www.youtube.com/watch?v=Q9SvTGHPupw

Intervención de Manuel Idelfonso Puente
http://www.youtube.com/watch?v=0LkYpRCa8cY

Poesia de Manuel Xío Blanco 

http://www.youtube.com/watch?v=rklwgQRJGV8

Interpretación de Samuel Acuña
http://www.youtube.com/watch?v=hzENcqHJdl4

Pombas e Himno Galego

http://www.youtube.com/watch?v=KmIzIj57p8U

Postado por Blogger na Estación Atlántica
http://estacionatlantica.blogspot.com.es/2013/09/videos-do-acto-homenaxe-en-san-simon.html

Acto de homenaxe en Castroverde (Lugo)

A Iniciativa Galega pola Memoria (coordenadora de grupos memorialistas da Galiza), vai celebrar un acto  de homenaxe ás vítimas do franquismo na provincia de Lugo, aínda que extensible a tódalas vítimas do franquismo en xeral, para o domingo 13 de outubro de 2013, na parroquia de Montecubeiro, a carón do monolito de homenaxe que está alí mesmo desde hai xa dez anos.

O acto comenzaría sobre as 12:30 horas, e logo de rematar haberá xantar de fraternidade para quen quixera... Un restaurante de Castroverde ofreceunos un menú sobre os 15 euros por persoa a base de callos de primeiro e cordeiro de segundo, con postre e bebidas. Tamén hai posibilidade de xantar vexetariano.

Saúde e República,

Rubén Afonso (CRMH da Coruña)

Nota: dende Vigo estamos a procura de fletar un autobús para asistir a este acto. Si estades interesados podedes poñervos en contacto con nós (Telmo Comesaña 659 041 394). O billete rondaría os 10 €.

HOMENAXE AOS MARIÑOS REPUBLICANOS QUE RESISTIRON Ó LEVANTAMENTO FASCISTA DO 1936

 
ACTO ORGANIZADO POLA "INICIATIVA GALEGA POLA MEMORIA"  

AS PRAZAS SON LIMITADAS

COMPRE APUNTARSE CHAMANDO ÓS TELEFONOS  986241497  OU 659041394
 

AS SAIDAS E RETORNO SON DO PEIRAO DE CESANTES-REDONDELA

Homenaxe a Luisa Fernandez

Mari Luz Maset encabeza a organización da homenaxe  a Luisa Fernández (alma mater dos desvaidos, das causas xustas, da Memoria Histórica, da Asamblea Republicana, do Colectivo Violeta, das Mulleres en Marcha, figura importante de Esquerda Unida e persoa amable e comprometida. Referente que nos deixou recentemente

 

CONVIDÁMOSVOS

 

e facémosvos partícipes do acto do día 19, ás 19.30 horas no auditorio do museo MARCO (Vigo)

 

Transmitímosvos isto co desexo de que tamén vós esteades connosco lembrando a Luisa

Fotos manifestacion 14 abril en Vigo

Na sección de fotos da páxina web da Asemblea Republicana de Vigo subíronse algunhas da manifestación do pasado 14 de abril. Se alguén ten fotos e quere subilas, non ten máis que mandalas nun correo ao enderezo da Asemblea. Moitas grazas.

http://asemblearepublicana.org/fotos/2013/14%20de%20Abril/

Acto de Memoria 16 Nov. Causa de Manuel del Río

CAUSA DE MANUEL DEL RÍO, 224/36

Manuel del Río Vázquez,tranviario,líder  sindical, veciño de Vigo, que tuvo a triste sona de ser o primeiro en ser asasinado despois dun xuizo sumarisimo

…A rapidez en preparar a causa contra Manuel del Río é tal que  ao día seguinte, día 2 de agosto,xa se pode levar a cabo a formación do tribunal que vai a presidir o xuizo; decidindose que, na denominada causa 224/36, sexan conxuntamente xulgados os tres detidos na parroquia de Nespereira. A constitución do tribunal será levado a cabo nas instalación que o “Rexemento de Infantería  de Mérida” tiña  no cuartel de San Sebastián, e será a porta pechada;quedándose alí decidido que o tribunal debería estar composto polo tenente coronel do “Rexemento de Artillería Lixeiro nº 15” acantonado en Pontevedra, Antonio Durán Salgado,, que sería quen exercería de “presidente”; sendo desinados como “vogais” os catro caopitáns das catro compañías pertencentes  ao “Rexemento de Inantería de Mérida nº35” que estaban acantonadas en Vigo e que eran: Gonzálo Pérez Díaz, Luis Castañón de Mena, Antonio Carreró Vergés e José Pérez Navaza; así coomo tamén o do mesmo emprego, pero do “Rexemento de Artillería nº15”, Miguel Varela Berenguer. Actuaban ademáis como suplentes, os capitáns Ricardo Martínez Martínez, da “Caixa de Recrutas nº 53”, e Fernando Ponte Blanco, do referido “rexemento de Artilería nº15”; como  “vogal poñente” o tenente auditor do 2º, Juan de Villavicencio y Pereira, e como “fiscal” o tenente auditor da 3ª José Luis Santalo y Rodríguez viguri, sendo o “xuíz” instructor”, que con tanta prema incoara o expediente o capitán  de Infantería Adolfo Rodríguez Sotelo.

Unha vez asignado o persoal acusador, xa que nestes casos o papel do tribunal e dos fiscais apenas se diferenciaba, estaba todo argallado para levar a cabo o primeiro xuizo sumarísimo levado a cabo en Vigo polos militares traidores, una vez consumada a súa felonía.  Soamente quedaba escoller, como pequeño e último detalle a o defensor dos reos, propoñéndoselle, como logo virá sendo  o habitual, que os acusados designen un de inmediato, ou senón que lles asignarán un de oficio, pero que o dito defensor debería ser, inevitablemente, un militar. Neste caso foilles asignado  un alférez de complemento moi novo chamado José Queizán Hermida; defensor que, ainda que abogado de profesión, se estreaba nestas lides sumariais.

Ao día seguinte, e sin apenas tempo material para que o abogado tuvese tempo para ler a documentación, e menos ainda, preparar una mínima defensa firme, levarase a cabo o xuizo;quedando establecido  que se inicie no “Cuarto de Bandeiras” do cuartel de San Sebastián ás 15 horas do citado 3 de agosto. O desenrolo do mesmo será un calco dos  dos que durante os meses seguintes  iranse  levando a cabo contra os acusados de simpatizar coa “Fronte Popular”  e de opoñerse ó “Movimiento Salvador” A principal acusación que se lle fai a Manuel  non é a de ser un “perigoso líder revolucionario”, senón a de tenencia de armas, xustificando isto nunha disposición que o día 21 de xullo, proclamara o comandante da praza, mediante a cal, todos aqueles  que non entregaran as armas no cuartel de Magallanes serían pasados polas armas, para complicar máis ainda, si cabe, a situación procesual de Manuel del Río, procedeuse a dar letura dun informe reservado confeccionado  polo Delegado de Orde Publica, no que diante dos precedentes políticos e sindicais do detido, o calificaba como…”individuo peligrosísimo”…sinalando tamén que por estes mesmos precedentes se lle supuña como un dos que fixera fogo contra as tropas desde as barricadas de Lavadores; ainda que non houbese probas ao respecto.        

Realmente non fai falta moito máis para condenar ao tranviario. O papel do defensor non pode ser máis que o de estar presente,para gardar as formas, e o de solicitar a benignidade por parte do tribunal; pero nunca o de defender  das acusación sao seu cliente. Esta mesma tarde o tribunal ten decidida a condena para Manuel del Río; “pena de norte”. Para os outros dous acusados será notablemente máis benigna xa que, co medo no corpo, decidirase que queden en liberdade, ao ser sobreseída a súa causa.    

Compre seguir acelerando o proceso para que o castigo contra Manuel del Río  sexa cumprido canto antes,, servindo así de escarmentó xeral a todos os “roxos” da comarca.Ao día seguinte a comunicación  de petición de condena a norte chega a Coruña, onde o auditor de Guerra,  tras una breve análise  daralle o visto bo para que poida ser firmada polo xeneral en xefe da 8ª Rexión Militar, Carlos Bosch Bosch; dándose inmediatamente notificación a Burgos, á chamada Xunta de Defensa Nacional,  que nese momento era o máximo órgano de Poder das Forzas Rebeldes, e quen decidía sobre a vida e a norte Cumpridos eses trámites burocráticos , ao día seguinte, 5 de agosto, o comandante da praza  de Vigo Felipe Sánchez pode xa dispor as ordes precisas para  que a execución poida levarse a cabo ás  cinco da madrugada do día seguinte.

As dúas da madrugada do día 6 de agosto  preséntanse na cela onde está agardando Manuel  del Río, o Xuíz Eventual da praza Benito Otero Brage e o secretario xudicial militar, Luis Fernández;  acompañados do seu abogado defensor; dun delegado do colexio nacional da Coruña e do reitor dos país salesianos. Esta ámpla comitiva ten a misión de informarlle ao reo que a súa execución é inminente, e de que ten tres horas para prepararse  para un bo morrer; debendo, iso si,  antes de nada asinar a recepción oficial da funesta orde.    

Ás cinco da madrugada, cando aínda era escuro sobre a cidade que se alza aos seus pes, o piquete de execución, composto por soldados do “Rexemento de Mérida”, está xa disposto fronte aos muros do Castelo do Castro para levar a cabo a execución; só falta que sexa traído o reo, convidado imprescindible para este tipo de celebracións. […] Manuel del Río morreu só; sendo asi  o primeiro executado, tras a celebración dun consello de guerra sumarísimo, en toda a bisbarra viguesa.

Xunto ao corpo ametrallado do tranviario achegaráse o médico do Batallón Ildefonso Villabona del Rivero, que será quen ditamine a norte do reo, e quen autorice a súa entrega no depósito do cemiterio de Pereiró, onde o seu encargado, Zoilo Rial Iglesias, debería facerse cargo do mesmo ata o día seguinte; comprometendose, ademais, a que ninguén  poida dispor do cadáver  sen unha autorización precisa da autoridade militar.

Ao día seguinte, 7 de agosto, ás 8.30 da mañá, hora escollida especialmente polo intempestiva, unha pequena comitiva, composta pola familia máis próxima do defunto, acompañará a Caixa onde levan o cadáver á fosa nº 175 da zona denominada “15”  do camposanto vigués;, procedendo alí a un rápido, cáseque  clandestino, enterramento.          

Extractado do libro “CEN PERSONAXES EN TORNO A UNHA GUERRA”.

Autor: Xoán Carlos Abad Gallego                    

                                                                          Vigo 16 novembro 2012

Leido pola bisneta Mónica González Fernández no acto “LUGAR DE MEMORIA” O MARCO (museo de arte contemporáneo, antiga cárcere, xulgado e cuartel militar)

Acto de Memoria 16 de Nov. Manifesto

MANIFESTO (ACTO EXTERIOR “MARCO”)

  Ningúen se inventa de novo cada día. As persoas e as sociedades necesitan da memoria para saber o que son, para saber de onde veñen a ata incluso para ter algunha idea a propósito de onde ir. Hai unha época do noso pasado non tan pasado sobre a que caeu durante moitos anos a pesada lousa do olvido. A longa noite de pedra do franquismo agochou feitos, nomes e lugares en relación coa represión que seguíu ó golpe de Estado contra a República o 18 de xullo de 1936.

  Neste mesmo lugar, que hai máis de 70 anos era Pazo de Xustiza, cárcere e cuartel, o cuartel no que tiña a súa sede a máxima autoridade militar de Vigo, o comandante Felipe Sánchez, neste mesmo lugar, pola tarde do día 19 de xullo de 1936 imprimiuse o bando que ía declarar ó día seguinte a rebelión da guarnición militar de Vigo contra a República. Daquela, proclamar o bando de guerra, anular a autoridade lexítima da República e comezar a represión foi todo un. A media mañá do 20 de xullo de 1936, na Porta do Sol, cando un piquete de soldados ás ordes do capitán Carreró lía o bando de guerra contra a República, caeron as primeiras vítimas entre os que non querían que as armas cambearan o que facía uns meses decidiran as urnas. Os que perderan as eleccións en febreiro de 1936  impuñan coa forza das armas  un cambio político que ía traer cárcere, morte e olvido para os que escolleran ser fieis a República e defender a legalidade constitucional.

  Neste mesmo lugar no que hoxe estamos,  un mes despois, o 22 de agosto de 1936, tivo lugar o proceso máis importante dos que se seguiron na nosa cidade contra dirixentes da Fronte Popular. Ós cinco días daquela farsa xudicial, o 27 de agosto de 1936, dez homes, pagaron coa súa vida a lealdade á República.

  Fracasado o golpe de Estado contra a República, a guerra civil serviu para que os que sublevaron contra ela limparan a fondo o país e puideran xustificar como actos de guerra a cacería humana e a represión salvaxe que comezou coa guerra e seguiu despois dela. A xeografía daqueles lugares da represión debe ser sinalada como lugares de memoria.

  Por rigor histórico, non podemos reconstruir o noso pasado esquecendo aquel tempo de cacería humana, os nomes das vítimas e os lugares onde morreron asasinados.

  Por saúde mental, non podemos preferir o olvido a memoria. Unha sociedade democrática madura cando asume tanto as luces coma as sombras do seu pasado.

  Por xustiza, no podemos esquecer a xente que neste país deu a súa vida por defender a lei, non podemos esquecer as familias que durante moito tempo foron sinaladas por seren fillos, maridos ou mulleres dos “roxos”. Non podemos esquecer a humillación e o medo que se instalaron nas súas vidas.

  Hoxe son os historiadores e as asociacións pola memoria histórica os que estamos enchendo o insoportable baleiro que creou a ditadura e logo mantivo a democracia. Temos que encher este baleiro cos nomes das vítimas e os lugares nos que morreron asesinadas porque hai unha batalla que non podemos perder, a batalla contra o olvido.

Nin cremos que a guerra civil fora inevitable, nin que todos foran iguais nin estamos cunha tímida lei de memoria histórica.

  Porque recuperar a memoria non abre feridas, senón que as cerra; porque non queremos ter na nosa historia recente páxinas en branco; porque non hai árbore que medre sen raíces; porque non queremos ser cómplices dun pacto de silencio e porque estamos convencidos de que unha sociedade xusta e democrática non pode construir o seu futuro negando o seu pasado, a “Asociación Viguesa pola Memoria Histórica do 36 quere sinalar hoxe este lugar de memoria para coñecemento da cidadanía dos feitos que nel ocurriron e quere con este acto facer unha vez máis presente a memoria das vítimas daquela barbarie e o facemos pola súa memoria e pola nosa memoria.

-AUTOR: Antonio Giráldez Lómba (Historiador)

Aos actos de memoria no MUSEO "MARCO", VIGO

MUSEO “MARCO”  Rua Príncipe

Actos de memoria novembro 2012

Asociación Viguesa pola Memoria Histórica do 36

Viguesa Distinguida 2007

LUGAR: MUSEO “MARCO” (antiga cárcere, xulgado e cuartel) R/Príncipe 54 VIGO

VENRES DÍA 9, ÁS 19 HORAS

-MESA REDONDA NO AUDITORIO

-CARLOS NÚÑEZ, FERNANDO M. RANDULFE E

XOÁN CARLOS ABAD GALLEGO

·ROTEIRO POLAS INSTALACIÓNS DO QUE FOI XULGADO,

CÁRCERE E CUARTEL MILITAR.

VENRES  DÍA 16,  ÁS 20 HORAS

-CONCENTRACIÓN NO EXTERIOR

-MANIFESTO

-MÚSICA: HÍMNO DE RIEGO

- DISCURSO: MÓNICA GONZÁLEZ

Letura da Causa do seu bisabó, Manuel del Río Primeira vítima condenado en xuizo

sumario, asesinado o 6 de agosto do 36 e soterrado en Pereiró

-AGRADECEMENTOS

-OFRENDA FLORAL

-HÍMNO GALEGO E FIN DO ACTO